હોમ લોનના વ્યાજ દરો 2024

ભારતમાં હોમ લોનના વ્યાજ દરોના પ્રકારો

હાઉસિંગ લોનના વ્યાજ દર બે પ્રકારના હોઈ શકે છે:

ફિક્સ્ડ વ્યાજ દર

ફિક્સ્ડ વ્યાજ દર ચોક્કસ સમયગાળા માટે સ્થિર રહે છે અને તે બજારમાં ફેરફારો દ્વારા પ્રભાવિત નથી. ફિક્સ્ડ વ્યાજ દરનો મુખ્ય લાભ એ છે કે તે તમારી લોનની પરત ચુકવણી અંગે અગાઉથી જાણવામાં મદદ કરે છે. જો કે, ફિક્સ્ડ વ્યાજ દર સામાન્ય રીતે રિસેટની તારીખ સાથે આવે છે અને માર્કેટની સ્થિતિઓ સાથે મેળ ખાતા અમુક સમયગાળા પછી બદલાઇ શકે છે.

જ્યારે વર્તમાન દરો વધવાની અપેક્ષા હોય ત્યારે આ પ્રકારના વ્યાજ દરને પસંદ કરવું શ્રેષ્ઠ છે. આ રીતે, તમે સૌથી ઓછા વ્યાજ દરે હાઉસિંગ લોનનો લાભ મેળવો છો. જો કે, ભવિષ્યમાં વ્યાજ દરમાં ઘટાડો થવાની શક્યતા હોય ત્યારે ફિક્સ્ડ-રેટ હોમ લોન લેવી યોગ્ય નથી, કારણ કે તેમાં તમારે ચૂકવવાપાત્ર કુલ વ્યાજમાં વધારો થાય છે.

ફ્લોટિંગ વ્યાજ દર

ભારતમાં હોમ લોનના બે પ્રકારના વ્યાજ દરોમાંથી, ફ્લોટિંગ વ્યાજ દરો શરૂઆતમાં ફિક્સ્ડ વ્યાજ દરો કરતાં ઓછા હોય છે. સામાન્ય રીતે, ફ્લોટિંગ વ્યાજ દરો ફિક્સ્ડ વ્યાજ દરો કરતાં 1-2.5% ઓછા હોય છે. ફ્લોટિંગ લોનનો વ્યાજ દર પરિવર્તનશીલ હોય છે અને મુદત દરમિયાન માર્કેટની વધઘટ અને બેન્ચમાર્ક દરોના આધારે બદલાય છે, જેનો અર્થ છે કે તમારે ચૂકવવું પડતું વ્યાજ બદલાતું રહે છે.

વ્યક્તિગત કરજદાર તરીકે ફ્લોટિંગ દર સાથે હોમ લોનનો મુખ્ય લાભ એ છે કે આંશિક પૂર્વચુકવણી અને ફોરક્લોઝર પર કોઈ શુલ્ક નથી.

મિશ્ર વ્યાજ દરોનો ત્રીજો વિકલ્પ પણ છે, જ્યાં વ્યાજ શરૂઆતમાં ફિક્સ્ડ દરે વસૂલવામાં આવે છે અને નિર્ધારિત સમયગાળા પછી ફ્લોટિંગ દર પર સેટ કરવામાં આવે છે. હાલમાં, બજાજ હાઉસિંગ ફાઇનાન્સ ફ્લોટિંગ વ્યાજ દરો અને ડ્યુઅલ દરો પર હોમ લોન પ્રદાન કરે છે - ફિક્સ્ડ અને ફ્લોટિંગ વ્યાજ દરોનું સંયોજન.

હાઉસિંગ લોનના વ્યાજ દરોની ગણતરી કરવા માટે વિવિધ પદ્ધતિઓ

શું તમે હોમ લોનના વ્યાજની ગણતરી કરવા માંગો છો? હોમ લોન લેતી વખતે, તમે લોનની મુદત દરમિયાન ચુકવણી કરશો તે હોમ લોનના વ્યાજને સમજવું મહત્વપૂર્ણ છે. તમારા ચૂકવવાપાત્ર એકંદર વ્યાજની ગણતરી કરવા માટે અહીં બે રીતો છે:

રીત 1: ઇએમઆઇ કૅલ્ક્યૂલેટર

તમે હોમ લોન ઇએમઆઇ કેલ્ક્યુલેટરનો ઉપયોગ કરીને તમારી હોમ લોન પર વ્યાજની રકમની ગણતરી કરી શકો છો. કેલ્ક્યુલેટરના ક્ષેત્રોમાં નીચેની માહિતી ઇન્પુટ કરો:

• હોમ લોનની રકમ
• લોનની પરત ચુકવણીનો સમયગાળો
• વ્યાજનો દર

એકવાર તમે આ વિગતો દાખલ કર્યા પછી, તમને વ્યાજ માટે ચૂકવવાપાત્ર રકમ સહિત તમારી લોનનું વિગતવાર વિવરણ મળશે.

રીત 2: ઇએમઆઇ કેલ્ક્યુલેશન ફોર્મ્યુલા

વૈકલ્પિક રીતે, તમારી ઇએમઆઇ જવાબદારીની ગણતરી કરવા માટે આ ફોર્મ્યુલાનો ઉપયોગ કરો:

ઇએમઆઇ = [p x r x (1+r)^n]/[(1+r)^n-1]

અહીં, P એ મુદ્દલ છે, r એ વ્યાજનો દર છે, અને n એ મહિનાઓમાં હપ્તાઓ અથવા લોનની મુદતની સંખ્યા છે.

અસરકારક વ્યાજ દરને સમજવું

હોમ લોન પરના વ્યાજના દરમાં બે ઘટકો હોય છેઃ બેઝ રેટ અને માર્ક-અપ રેટ.. આ બંનેનું સંયોજન તમે જે વ્યાજ દર ચૂકવશો તે નક્કી કરે છે. અહીં આ ઘટકોનું બ્રેકડાઉન છે:

બેઝ રેટ: આ તમામ રિટેલ લોન માટે લાગુ બેંકના સ્ટાન્ડર્ડ ધિરાણ રેટ છે. તે વિવિધ પરિબળોના આધારે વારંવાર બદલાય છે.

માર્ક-અપ: ચોક્કસ પ્રકારની હોમ લોન માટે અસરકારક વ્યાજ દર મેળવવા માટે નાની ટકાવારીના આ ઘટકને બેઝ રેટમાં ઉમેરવામાં આવે છે. તે એક પ્રકારની લોનથી બીજા પ્રકાર માટે અલગ હોય છે.

અસરકારક વ્યાજ દર (ઇઆઇઆર) = બેઝ રેટ + માર્ક-અપ

એપ્રિલ 2016થી, ભારતીય રિઝર્વ બેંકે (આરબીઆઇ) માર્જિનલ કૉસ્ટ ઑફ ફંડ્સ બેસ્ડ લેન્ડિંગ રેટ (એમસીએલઆર) નામના લેન્ડિંગ રેટની ગણતરી માટે એક નવી પદ્ધતિ ફરજિયાત બનાવી છે. આ પદ્ધતિ, બેસ રેટ સિસ્ટમની જગ્યાએ લાવવામાં આવી છે અને તેમાં લેન્ડિંગ રેટ નિર્ધારિત કરવા માટે રેપો રેટ અને ડિપોઝિટ જેવી વિવિધ બાબતોને ધ્યાનમાં રાખવામાં આવે છે. આ એમસીએલઆર આધારિત ગણતરી, બેસ રેટથી થોડી ઓછી હોય છે.